மேஷம் (அஸ்வினி, பரணி, கார்த்திகை 1 பாதம்) 2018 ஏப்ரல் மாத ராசிபலன்கள் :

உங்கள் ராசிநாதன் செவ்வாய் எட்டாம் வீட்டில் உள்ளதால் நன்மைகள் சற்று குறையும். சகோதர சகோதரிகள் வழியில் செலவுகள் / விரயங்கள் ஏற்படும். இடம், வீடு, மனை போன்றவற்றால் நன்மைகள் குறையும். மேலும் செவ்வாய் வரும் மார்ச் ஏழாம் தேதி முதல் ஒன்பதாம் வீடு செல்வதால் பிரச்சனைகள் குறைந்து நன்மைகள் ஏற்படும். ஒன்பதாம் வீட்டில் சனிபகவான் உள்ளதால் பொதுவாக நன்மைகள் ஏற்படும். வேலைகாரர்கள் மூலம் மகிழ்ச்சி கிடைக்கும். சிலருக்கு வேலையில் மந்த தன்மை ஏற்படும். சூரியன் ஏப்ரல் மாதம் 13 ம் தேதி வரை பன்னிரெண்டாம் வீடான விரையஸ்தானத்தில் உள்ளதால் செலவுகள் ஏற்படும். அரசாங்க நன்மைகள் குறையும்.

பத்தாம் வீட்டில் உள்ள கேது காரணமாக நன்மைகள் ஏற்படும். ஆன்மீக துறையில் உள்ளவர்கள் நன்மைகளை பெறுவார்கள். வேளையில் உள்ளவர்கள் அதிக நன்மைகளை பெறுவார்கள். நான்காம் வீட்டில் உள்ள ராகு பகவான் காரணமாக அந்நிய நபர்கள் மூலம் பல நன்மைகள் கிடைக்கும். வெளிநாடு செல்லும் வாய்ப்புகள் ஏற்படும். உற்பத்தி தொழிலில் லாபம் ஏற்படும்.

ராசியில் உள்ள சுக்கிரன் காரணமாக குடும்பத்தில் மகிழ்ச்சி திரும்பும். கணவன் மனைவி அன்பு குடும்ப ஒற்றுமை போன்றவை சிறப்பாக இருக்கும். மேலும் சுக்கிரன் வரும் ஏப்ரல் 23 க்கு பிறகு இரண்டாம் வீடு செல்வதால் எதிர்பார்த்த தனவரவு கிடைக்கும். பன்னிரெண்டாம் வீட்டில் உள்ள புதன் காரணமாக நன்மைகள் சற்று குறையும். குழந்தைகள் வழியில் செலவுகள் ஏற்படும். கமிசன் துறையில் உள்ளவர்கள், கலைத்துறையினர் மிதமான நன்மைகளை பெறுவார்கள்.

பொதுவாக கிரகங்கள் நன்றாக உள்ளதால் நன்மைகள் கொண்ட மாதமாக இந்த மார்ச் மாதம் அமையும்.

ஏப்ரல் 4, 5 ஆகிய தேதிகள் சந்திராஷ்டமம் என்பதால் சற்று கவனமுடன் செயல்படவும்.

பரிகாரம் மற்றும் வழிபாடு:
செவ்வாய் கிழமை தோறும் முருக பெருமானை வணங்க நன்மைகள் கிடைக்கும்.